ਕ੍ਰਿਕਟ ਜਗਤ ਨੂੰ ਵੱਡਾ ਝਟਕਾ: 29 ਸਾਲਾ ਖਿਡਾਰੀ ਨੇ ਅੰਤਰਰਾਸ਼ਟਰੀ ਕ੍ਰਿਕਟ ਤੋਂ ਲਿਆ ਸੰਨਿਆਸ...

ਨਿਕੋਲਸ ਪੂਰਨ ਨੇ 29 ਸਾਲ ਦੀ ਉਮਰ ਵਿੱਚ ਅੰਤਰਰਾਸ਼ਟਰੀ ਕ੍ਰਿਕਟ ਤੋਂ ਸੰਨਿਆਸ ਲੈਣ ਦਾ ਐਲਾਨ ਕਰ ਦਿੱਤਾ ਹੈ, ਜਿਸ ਨਾਲ ਕ੍ਰਿਕਟ ਜਗਤ ਵਿੱਚ ਹੈਰਾਨੀ ਦੀ ਲਹਿਰ ਦੌੜ ਗਈ ਹੈ। 29 ਸਾਲ ਦੀ ਉਮਰ ਵਿੱਚ ਇਹ ਫੈਸਲਾ ਉਸਨੇ ਇੱਕ ਭਾਵਨਾਤਮਕ ਨੋਟ ਰਾਹੀਂ ਸੋਸ਼ਲ ਮੀਡੀਆ 'ਤੇ ਸਾਂਝਾ ਕੀਤਾ, ਜਿਸ ਵਿੱਚ ਉਨ੍ਹਾਂ ਨੇ ਆਪਣੇ ਕਰੀਅਰ ਦੇ ਯਾਦਗਾਰ ਪਲਾਂ ਅਤੇ ਸੰਘਰਸ਼ਾਂ ਦਾ ਜ਼ਿਕਰ ਕੀਤਾ। ਵੈਸਟਇੰਡੀਜ਼ ਦੀ ਜਰਸੀ ਪਹਿਨ ਕੇ ਖੇਡਣਾ, ਕਪਤਾਨੀ ਕਰਨ ਦਾ ਮੌਕਾ ਮਿਲਣਾ ਅਤੇ ਰਾਸ਼ਟਰੀ ਗੀਤ ਦੌਰਾਨ ਮੈਦਾਨ ਵਿੱਚ ਖੜਾ ਹੋਣਾ, ਪੂਰਨ ਲਈ ਵਿਸ਼ੇਸ਼ ਮਹੱਤਵ ਰੱਖਦਾ ਸੀ। ਉਸਦੇ ਅਲਫ਼ਾਜ਼ਾਂ 'ਚ ਇੱਕ ਇਮੋਸ਼ਨਲ ਤੱਤ ਸੀ, ਜਿਸ ਵਿੱਚ ਉਸਨੇ ਦੱਸਿਆ ਕਿ ਇਹ ਫੈਸਲਾ ਔਖਾ ਸੀ ਪਰ ਹੁਣ ਉਸਨੂੰ ਲੱਗਦਾ ਹੈ ਕਿ ਅੱਗੇ ਵਧਣ ਦਾ ਸਮਾਂ ਆ ਗਿਆ ਹੈ।

ਪੂਰਨ ਨੇ ਆਪਣੇ ਅੰਤਰਰਾਸ਼ਟਰੀ ਕਰੀਅਰ ਦੌਰਾਨ ਕਈ ਰਿਕਾਰਡ ਬਣਾਏ। ਟੀ-20 ਫਾਰਮੈਟ ਵਿੱਚ ਵੈਸਟਇੰਡੀਜ਼ ਵਾਸਤੇ ਸਭ ਤੋਂ ਵੱਧ 106 ਮੈਚ ਖੇਡਣ ਦੇ ਨਾਲ 2275 ਦੌੜਾਂ ਬਣਾ ਕੇ ਉਹ ਸਭ ਤੋਂ ਵਧੀਆ ਸਕੋਰਰ ਬਣਿਆ। 13 ਅਰਧ-ਸੈਂਕੜਿਆਂ ਦੀ ਮਦਦ ਨਾਲ ਉਸਨੇ ਕਈ ਮੌਕਿਆਂ 'ਤੇ ਮੈਚ ਦਾ ਰੁਖ ਬਦਲਿਆ। ਵਨਡੇ ਕਰੀਅਰ ਵੀ ਪ੍ਰਭਾਵਸ਼ਾਲੀ ਰਿਹਾ-61 ਮੈਚਾਂ ਵਿੱਚ 1983 ਦੌੜਾਂ, 3 ਸੈਂਕੜੇ ਅਤੇ 11 ਅਰਧ-ਸੈਂਕੜੇ ਉਸ ਦੀ ਯੋਗਤਾ ਦਾ ਸਾਫ਼ ਪ੍ਰਮਾਣ ਹਨ। ਹਾਲਾਂਕਿ ਉਹ ਕਦੇ ਵੀ ਟੈਸਟ ਮੈਚ ਨਹੀਂ ਖੇਡਿਆ, ਪਰ ਉਨ੍ਹਾਂ ਦੇ ਕਿਰਦਾਰ, ਲੀਡਰਸ਼ਿਪ ਅਤੇ ਖੇਡ ਦੇ ਪ੍ਰਤੀ ਉਤਸ਼ਾਹ ਨੇ ਟੀਮ 'ਤੇ ਡੂੰਘਾ ਅਸਰ ਛੱਡਿਆ।

 ਜਿਵੇਂ ਹੀ ਉਸਦੇ ਸੰਨਿਆਸ ਦੀ ਖ਼ਬਰ ਸਾਹਮਣੇ ਆਈ, ਸੋਸ਼ਲ ਮੀਡੀਆ 'ਤੇ ਪ੍ਰਸ਼ੰਸਕਾਂ ਵੱਲੋਂ ਭਾਵੁਕ ਸੰਦੇਸ਼ਾਂ ਦੀ ਬਾਰਿਸ਼ ਹੋਈ। ਕਈ ਤਜਰਬੇਕਾਰ ਖਿਡਾਰੀ ਵੀ ਪੂਰਨ ਦੇ ਅਚਾਨਕ ਸੰਨਿਆਸ ਤੇ ਹੈਰਾਨ ਹੋ ਗਏ।ਸੰਨਿਆਸ ਤੋਂ ਬਾਅਦ ਨਿਕੋਲਸ ਪੂਰਨ ਦੇ ਫ੍ਰੈਂਚਾਈਜ਼ੀ ਕ੍ਰਿਕਟ ਵਿੱਚ ਹੋਰ ਸਰਗਰਮ ਹੋਣ ਦੀ ਉਮੀਦ ਹੈ, ਜਿੱਥੇ ਉਹ ਪਹਿਲਾਂ ਹੀ ਕਈ ਲੀਗਾਂ ਵਿੱਚ ਆਪਣੀ ਤਾਕਤ ਮਨਵਾ ਚੁੱਕੇ ਹਨ। ਉਹ ਨਾ ਸਿਰਫ ਇੱਕ ਵਿਸਫੋਟਕ ਬੱਲੇਬਾਜ਼ ਹਨ, ਸਗੋਂ ਇੱਕ ਮਜ਼ਬੂਤ ਮੈਚ-ਫਿਨਿਸ਼ਰ ਅਤੇ ਪ੍ਰੇਰਕ ਲੀਡਰ ਵੀ ਹਨ। ਕ੍ਰਿਕਟ ਪ੍ਰੇਮੀ, ਤਜਰਬੇਕਾਰ ਖਿਡਾਰੀ ਅਤੇ ਵੈਸਟਇੰਡੀਜ਼ ਕ੍ਰਿਕਟ ਬੋਰਡ ਉਨ੍ਹਾਂ ਦੇ ਫੈਸਲੇ ਨਾਲ ਹੈਰਾਨ ਹਨ, ਪਰ ਉਨ੍ਹਾਂ ਦੇ ਅਭੂਤਪੂਰਵ ਯੋਗਦਾਨ ਦੀ ਸਰਾਹਨਾ ਕਰ ਰਹੇ ਹਨ। ਕ੍ਰਿਕਟ ਦੀ ਦੁਨੀਆਂ ਵਿੱਚ ਉਨ੍ਹਾਂ ਦਾ ਨਾਮ ਸਦਾ ਚਮਕਦਾ ਰਹੇਗਾ, ਤੇ ਭਵਿੱਖ ਵਿੱਚ ਉਹ ਕਿਸੇ ਨਵੇਂ ਰੂਪ ਵਿੱਚ ਫਿਰੋਂ ਲੋੜੀਂਦੇ ਹੋ ਸਕਦੇ ਹਨ- ਚਾਹੇ ਕੋਚ ਹੋਣ ਜਾਂ ਕਮੈਂਟੇਟਰ।